Sarva Siddhikrita Stotram
Sarva Siddhikrita Stotram
गणेशग्रहनक्षत्रयोगिनीं राशिरूपिणीम्।
देवीं मन्त्रमयीं नौमि मातृकां पीठरूपिणीम्।।१।।
प्रणमामि महादेवीं मातृकां परमेश्वरीम्।
कालहल्लोहलोल्लोलकल नाशमकारिणीम्।।२।।
यदक्षरैकमात्रेऽपि संसिद्धे स्पर्द्धते नर:।
रवितार्क्ष्येन्दुकन्दर्प शंकरानलविष्णुभि:।।३।।
यदक्षरशशिज्योत्सना-मंडितं भुवनत्रयम्।
वन्दे सर्वेश्वरीं देवीं महाश्रीसिद्धमातृकाम्।।४।।
यदक्षरमहासूत्रप्रोतमेतज्जगत्त्रयम्।
ब्रह्माण्डादिकटाहान्त तां वन्दे सिद्धमातृकाम्।।५।।
यदेकादशमाधारं बीजं कोणत्रयोद्भवम्।
ब्रह्माण्डादिकटाहान्तं जगदद्यापि दृश्यते।।६।।
अकचादिटतोन्नद्ध-पयसाक्षरवर्गिणीम्।
ज्येष्ठाङ्गबाहुहृत्पृष्ठकटि-पादनिवासिनीम्।।७।।
तामीकारक्षरोद्धारां सारात्सारां परात्पराम्।
प्रणमामि महादेवीं परमानन्दरूपिणीम्।।८।।
अद्यापि यस्या जानन्ति न मनागपि देवता:।
केयं कस्मात् क्व केनेति सरूपारूपभावनां।।९।।
वन्दे तामहमक्षय मातृकाक्षररूपिणीम्।
देवीं कुलकलोल्लोल प्रोल्लसन्तीं परां शिवाम्।।१०।।
वर्गानुक्रमयोगेन यस्या मात्रष्टकं स्थितम्।
वन्दे तामष्टवर्गोत्थमहा-सिद्धय्ष्टकेश्वरीम्।।११।।
कामपूर्ण जकाराद्य-श्रीपीठान्तनिवासिनीम्।
चतुराज्ञाकोशभूतां नौमि श्रीत्रिपुरामहम्।।१२।।
फलश्रुति:
इति द्वादशभि: श्लोकै: स्तवनं सर्वसिद्धिकृत।
देव्यास्तवखण्डरूपाया: स्तवनं तव तद्यत:।।१३।।